Media e pavarura
TALMIL

Media e pavarura

Sikurse në pjesën tjetër të botës, edhe Ballkani nuk është imun ndaj përhapjes së fake news-ave.

Një raport i Këshillit të Evropës për mjedisin mediatik në Ballkan thekson se ky rajon përballet në mënyrë masive me “lajme të rreme, gjuhë urrejtjeje dhe kurthe klikimesh që çojnë në rënie të ndjeshme të besueshmërisë të popullsisë në mediat “.

Në këtë kontekst, qytetarët ftohen që të ushtrojnë një gjykim të mirë në mënyrë që të kenë informacion të besueshëm. Për të kontribuar në këtë qasje, ne ofrojmë më poshtë një listë të redaksive të pavarura, ku punojnë gazetarë profesionistë, të cilët i plotësojnë kriteret e lirisë së shtypit dhe deontologjisë së gazetarisë, domethënë të angazhuar në prodhimin e “informacionit cilësor, gjithëpërfshirës, të lirë, të pavarur dhe pluralist”, dhe i verifikojnë me rigorozitet faktet dhe burimet.

 

Lista, natyrisht, nuk kufizohet në këto redaksi dhe për këto media mbizotëron edhe analiza kritike e informacionit.


Media kombëtare

Media kombëtare

SHQIPËRI

Lapsi.al

Lapsi.al është një media online, që ka për qëllim informimin e paanshëm duke vënë profesionalizmin në plan të parë.

“Ky portal informativ është një alternativë e re që përpiqet të krijojë një hapësirë sa më të lirë për gazetarinë e vërtetë. Përvoja e gjatë dhe nevoja për të shkuar sa më pranë të vërtetës, janë vijat mbi të cilat do të shkruajë lapsi ynë ”.

Shkoni në sit

Exit News

Platformë mediash online që ofron informacione, analiza, raporte dhe komente për Shqipërinë, Ballkanin Perëndimor dhe më gjerë.

“Me një angazhim për pavarësi, saktësi dhe ndershmëri në raportim, ne krenohemi me faktin që hulumtojmë më thellë dhe i tregojmë storiet që të tjerët nuk duan t’i mbulojnë. Ne përpiqemi të jemi burimi kryesor i informacionit të azhoruar mbi rajonin dhe të sigurojmë lajme në anglisht dhe shqip ”.

Shkoni në sit

Reporter.al

Publikimi online i Balkan Investigative Reporting Network në Shqipëri – BIRN Albania.

Pas më shumë se shtatë vjetësh mbulimi të ngjarjeve më të rëndësishme nga Shqipëria për Balkan Insight, BIRN Albania hapi në shtator 2014 faqen e saj në gjuhën shqipe, Reporter.al, për t’i ardhur më pranë lexuesit shqiptar. Në këtë faqe do të publikohet një pjesë e arkivës së artikujve që janë prodhuar nga BIRN ndër vite, si dhe lajme të pavarura në kohë reale, analiza, komente dhe investigime.

Shkoni në sit

BIRN Albania

Organizatë mediatike jo qeveritare me bazë në Tiranë, e specializuar në reportazhin hulumtues, publikimin dhe monitorimin e mediave.

I lëshuar në web në mars 2014, BIRN Albania është vazhdimësi e pranisë editoriale të rrjetit në Tiranë, i krijuar në vitin 2007. Qëllimi kryesor i organizatës është promovimi i medias së lirë dhe të pavarur, e cila synon informimin e opinionit publik mbi çështje lidhur me korrupsionin, pandëshkueshmerinë, situatën e të drejtave të njeriut, aktivitetin e shoqërisë civile në Shqipëri dhe rajon, etj.

Shkoni në sit

Faktoje.al

FAKTOJE është një organizatë mediatike që verifikon faktet përmes një metodologjie të standardizuar profesionale, e cila prej vitesh zbatohet nga Rrjeti Ndërkombëtar i Verifikimit të Fakteve (International Fact-Finding Network) ku “Faktoje” është anëtarësuar në fillim të vitit 2020.

“Misioni ynë është të faktojmë vërtetësinë e premtimeve, deklaratave dhe veprimeve të zyrtarëve publikë (ose subjekteve private që përfitojnë nga fondet publike) dhe më pas t’i themi publikut të vërtetën.”

Shkoni në sit

Euronews Albania

Euronews është kanali kryesor evropian i lajmeve ndërkombëtare.
Është një media ndërkombëtare që përcjell lajme me një këndvështrim evropian për një audiencë mbarëbotërore përmes 12 platformave të ndërsjella, nga të cilat 9 me kanale televizive të dalluara. Qëllimi i Euronews është t’i japë forcë njerëzve për të krijuar opinionin e tyre falë një gazetarie “të paanshme”.

Shkoni në sit

BOSNJE DHE HERCEGOVINË

Oslobodjenje

Ambicia e kësaj gazete të shtypur të pavarur, e themeluar në vitin 1942 (dhe të faqes së saj web) është të sigurojë lajme të duhura, objektive dhe profesionale që kanë të bëjnë njëkohësisht me serbët, kroatët dhe me boshnjakët. Redaksia pretendon se u përket të gjithë popujve dhe qytetarëve të Bosnje- Hercegovinës. Gazetarët e saj përpiqen të mbajnë standardet e profesionit, siç dëshmohet nga çmimet e shumta që gazeta ka fituar ndër vite.

Shkoni në sit

BIRN Bosnia and Herzegovina

BIRN (Balkan Investigative Reporting Network), rrjeti i gazetarisë hulumtuese të Ballkanit, është një rrjet organizatash joqeveritare që promovon lirinë e shprehjes, të drejtat e njeriut si dhe vlerat demokratike të Evropës jugore dhe lindore. BIRN ka avantazhin e ndërthurjes së ekspertizës lokale dhe kombëtare me një bashkëpunim unik rajonal dhe një prani në të gjitha vendet e Ballkanit.

Shkoni në sit

KOSOVA

Kosovo 2.0

Kosovo 2.0 është organizatë e pavarur mediale, ndër të parat e këtij lloji, e cila e përfshin shoqërinë në diskutime thelbësore. Me anë të revistave të shtypura dhe online, me anë të debateve dhe nismave avokuese, Kosovo 2.0 paraqet zhvillimet aktuale në Kosovë, në rajon e më gjerë. Kosovo 2.0 propozon përmbajtje në tri gjuhë— shqip, anglisht e serbisht —dhe mbulon kryesisht aktualitetin ndërkombëtar në rubrikat e kulturës, artit, politikës, njerëzve e shoqërive.

E themeluar në vitin 2010, fillimisht si platformë e vetme e blogut në Kosovë, K2.0 është zhvilluar shumë shpejt dhe është shndërruar në institut të gazetarisë, të produksionit kreativ, mbrojtës i të drejtave të njeriut, të lirisë së mediave dhe gjithëpërfshirjes.

Shkoni në sit

Koha Ditore

E themeluar në vitin 1997 , gazeta Koha ofron në formë të shtypur dhe online, informacion të saktë, të paanshëm dhe të shpejtë, duke mbuluar të gjitha sferat e jetës të të gjitha komuniteteve në vend falë gazetarisë profesionale. Qëllimi i kësaj gazete është të sigurojë informacion të saktë mbi ngjarjet kulturore, politike, ekonomike, kulturore dhe sportive, qofshin ato rajonale apo globale, duke përdorur burimet më të besueshme të mundshme.

Shkoni në sit

Insajderi

Ky medium online promovon hulumtime faktike, analiza nga të gjitha këndvështrimet dhe ofron lajme ekskluzive mbi ngjarjet shoqërore në vend dhe rajon.
Mediumi ofron dokumentarë dhe video ekskluzive që i mundësojnë atij të paraqitet si mediumi më inovativ në Kosovë.
Objektivi i tij është të ketë një impakt në jetën institucionale dhe në debatin publik.

Shkoni në sit

Express

Kjo gazetë dhe faqja e sajj web vepron si dritarja kryesore për informacion në lidhje me Ballkanin. Gazeta pretendon të jetë media më e lexuar e lajmeve online, jo vetëm në trojet shqiptare, por edhe në të gjithë Ballkanin. Gazeta ka lexues të rregullt në vendet perëndimore, si në Zvicër, Gjermani, Austri, madje edhe në Shtetet e Bashkuara.
Express sjell lajme në kohë reale për lexuesit për të gjitha zhvillimet në vend dhe në botë, në të gjitha fushat.
E themeluar në shkurt 2005, në kuadër të Media Works, Gazeta Express mori një kthesë historike kur ndërpreu publikimin e saj në formë të shtypur, për t’u përqendruar në shpërndarjen e lajmeve online në vitin 2013.

Shkoni në sit

Prishtina Insight

Prishtina Insight është revistë digjitale dhe e shtypur e botuar nga BIRN Kosovo, një organizatë e pavarur joqeveritare.
Që nga viti 2008, Prishtina Insight ka publikuar raporte mbi aktualitetin, hulumtime ekskluzive, filma të metrazhit të gjatë dhe ese për Kosovën dhe rajonin.

Shkoni në sit

BIRN Kosovo

BIRN, Rrjeti Ballkanik i Gazetarisë Hulumtuese (Balkan Investigative Reporting Network), është grup kryeredaktorësh, trajnerësh gazetarie dhe gazetarësh të përkushtuar në ndërtimin e një medie të fuqishme, profesionale dhe të pavarur në Evropën Juglindore. Është një komponent thelbësor për zhvillimin e demokracisë dhe të një ekonomie tregu në Ballkan.
Si një organizatë e pavarur joqeveritare, BIRN Kosova ekziston për t’i dhënë vrull tranzicionit demokratik të Kosovës duke promovuar llogaridhënien, sundimin e ligjit dhe reformën e politikave.

Shkoni në sit

MAQEDONIA E VERIUT

MIA

Kjo gazetë informative online paraqitet si media kryesore informative online në Maqedoninë e Veriut.
Redaksia e saj e përbërë nga më shumë se 70 gazetarë dhe reporterë të vendosur në Maqedoni ose rajon, përpiqet të shpërndajë një larmi lajmesh.
Me rreth 300 deri në 350 artikuj të transmetuar çdo ditë në maqedonisht, shqip dhe anglisht, ky medium shquhet për profesionalizmin e gazetarëve të tij dhe respektimin e standardeve të profesionit. Përveç kësaj, redaksia është e përkushtuar në luftën kundër shpërndarjes së informacionit të falsifikuar dhe lajmeve të rreme, prandaj pretendon të jetë një burim i besueshëm informacioni.

Shkoni në sit

Makfax

Makfax është anëtare e organizatës mediatike SEEMO në Evropën Juglindore.
Është agjencia e parë private e lajmeve në Maqedoni, e cila transmeton shpejt dhe në mënyrë objektive të gjitha lajmet dhe informacionet nga Maqedonia, rajoni dhe bota.

Redaksia e Makfax afirmom respektimin e parimeve të pavarësisë, shpejtësisë, paanësisë, sinqeritetit dhe besueshmërisë në prodhimin e informacioneve të veta. Përpiqet të shpërndajë informacionin bazuar në fakte të verifikuara dhe burime të besueshme.

Shkoni në sit

Deutsche Welle

“Informacion i paanshëm për shpirtrat e lirë” është slogani i Deutsche Welle (DW), transmetuesi ndërkombëtar i Gjermanisë dhe një nga mediat ndërkombëtare më të suksesshme dhe më të rëndësishme në botë. Përmbajtja e saj multimediale në 30 gjuhë (përfshirë maqedonishten) arrin çdo muaj te më shumë se një miliard njerëz në të gjithë botën.
DW është organizatë mediatike me seli në Gjermani, e cila pretendon të jetë e paanshme dhe shpërndan përmbajtje gazetareske tek njerëzit në të gjithë botën, me dëshirën që t’u mundësojë atyre të formojnë opinionet e tyre.

Shkoni në sit

BIRN North Macedonia

BIRN Maqedoni është një nga organizatat lokale të BIRN-it.
Balkan Investigative Reporting Network është rrjet i organizatave joqeveritare që promovojnë lirinë e shprehjes, të drejtat e njeriut dhe vlerat demokratike në Evropën Jugore dhe Lindore.

BIRN ka zhvilluar një strukturë rrjeti specifike që përmban organizata të pavarura lokale, të mbledhura rreth Rrjetit Ballkanik të Raportimit Investigativ Ballkanik (Balkan Investigative Regional Reporting Network BIRN Hub) – një strukturë e cila ka avantazhin e ndërthurjes së ekspertizës lokale dhe kombëtare me një bashkëpunim unik rajonal.

BIRN Hub sjell ekspertizë të gjerë për gazetarët e shoqërive post-komuniste dhe post-konflikte, kryesisht duke ndarë njohuritë e akumuluara në rajonin e Ballkanit Perëndimor.
BIRN përpiqet të fuqizojë njerëzit për të fituar të drejtat e tyre duke siguruar informacion të saktë dhe të rëndësishëm dhe duke u siguruar atyre mundësi për të marrë pjesë në proceset demokratike.

BIRN shqyrton dhe përcjell proceset kyçe, udhëheq debatet dhe i siguron publikut informacion të paanshëm dhe të besueshëm përmes reportazheve të një cilësie të lartë dhe duke formuar një grup gazetarësh të kualifikuar,

Shkoni në sit

MAL I ZI

Qendra për gazetari hulumtuese

Cin-cg është një organizatë joqeveritare, e themeluar si fondacion, e përkushtuar për t’u angazhuar dhe për të promovuar gazetari hulumtuese me interes publik. Objektivi kryesor i Cin-cg është të sigurojë informacion që i është fshehur publikut, në mënyrë që qytetarët të kenë mundësi të reagojnë dhe të marrin vendime bazuar në informacione të besueshme. Ky medium refuzon të marrë pozicione politike, fetare ose ideologjike dhe është i përkushtuar të mbetet objektiv në prodhimin e informacionit.

Shkoni në sit

Monitor

Monitor është revistë javore e lajmeve e themeluar më 19 tetor 1990 dhe e botuar në Podgoricë, në Mal të Zi.

Shkoni në sit

Vijesti

Vijesti është e përditshme malazeze pro-evropiane dhe anti-korrupsion, e themeluar në vitin 1997. Një nga gazetaret e saj hulumtuese, Olivera Lakić, e cila mbulon krimin dhe korrupsionin në Malin e Zi, u qëllua me një plumb dhe u plagos në një sulm.

Shkoni në sit

SERBI

Krik

KRIK – ose Rrjeti Raportues i Krimit dhe Korrupsionit, është organizatë jo-fitimprurëse, joqeveritare e krijuar për të promovuar gazetarinë hulumtuese në Serbi. Organizata u themelua nga një ekip gazetarësh që denoncojnë krimin dhe korrupsionin për vite me radhë dhe të cilët janë shpërblyer disa here për punën e tyre.

KRIK është pjesë e rrjetit ndërkombëtar gazetaresk Organized Crime and Corruption Reporting Project (OCCRP), (Projekti i Raportimit të Krimit të Organizuar dhe Korrupsionit) (OCCRP), i cili bashkon qendra hulumtuese jofitimprurëse dhe media të pavarura nga rreth 20 vende, nga Ballkani dhe Evropa Lindore deri te Azia Qendrore. OCCRP kontribuoi në krijimin e KRIK dhe kontribuon në zhvillimin e tij.

Shkoni në sit

Peščanik

Pescanik është një shoqatë qytetarësh e themeluar në vitin 2006 dhe një media publike e themeluar në vitin 2011. Produkti i parë i Peščanik ishte një emision radioje i transmetuar në Radio B92 më 2 shkurt 2000. Më vonë emisioni ka pasur kanalin e vet, i cili ritransmetohej nga disa kanale televizive në Serbi dhe rajon. Që nga viti 2007, Pescanik ka faqen e vet web, ku janë publikuar më shumë se 20,000 tekste deri më tani.

Shkoni në sit

Danas

Gazeta e lajmeve online Danas pretendon të luftojë kundër tabloidizimit të përgjithshëm, sensacionalizmit dhe komercializimit të mediave. Redaksia përpiqet për më shumë se dy dekada që parimet e gazetarisë profesionale dhe etike të respektohen për të shpërndarë informacione objektive dhe faktike.

Shkoni në sit

Vreme

Vreme është revistë javore e lajmeve me qendër në Beograd, në Serbi që u shfaq për herë të parë në vitin 1990. Karakterizohet si “një revistë pa gënjeshtra, urrejtje ose paragjykime” dhe ka kundërshtuar mobilizimin nacionalist për luftërat Jugosllave. Është frymëzuar nga modeli i homologëve të saj amerikanë Time dhe Newsweek.

Në vitin 1993, 30,000 kopje botoheshin çdo javë me një të katërtën e shitjeve të saj jashtë vendit. Vreme ka fituar një reputacion si një nga burimet më të besuara të medias në ish-Jugosllavi dhe gazetarët e saj janë cituar gjerësisht nga mediat ndërkombëtare.

Shkoni në sit

Beta

Beta është agjenci serbe e lajmeve me seli në Beograd, kryeqyteti i Serbisë. Është themëruar në vitin 1992 me qëllimin që “të sigurojë një mbulim gjithëpërfshirës dhe objektiv të ngjarjeve në vend (Serbi) dhe në rajonin e Evropës Juglindore”.
Në vitin 2000, agjencia u gjobit nga qeveria (Republika Federale e Jugosllavisë në kohën e Sllobodan Milosheviçin) për botimin e materialit anti-institucional. Gjobat u denoncuan nga Reporterët pa Kufij. Me kalimin e kohës, Beta mori fonde nga National Endowment for Democracy.

Shkoni në sit

Južne vesti

Juzne vesti është një faqe lajmesh e themeluar në vitin 2010, e cila mbulon territorin e Serbisë jugore dhe juglindore, përveç Kosovës.
Është portali i parë rajonal i informacionit që rrit nivelin e ndërgjegjësimit të qytetarëve të Serbisë jugore si dhe të kuptuarin e tyre rreth çështjeve aktuale në këtë pjesë të vendit përmes mbledhjes dhe shpërndarjes së informacionit, hulumtimit dhe gazetarisë analitike.

Shkoni në sit

Vranjske Novine

Kjo faqe serbe e lajmeve online ishte fillimisht gazetë e shtypur. Pasi u detyrua t’i mbyllë dyert në vitin 2017 dhe pasi pësoi “ngacmim administrativ” nga autoritetet, redaksia themeloi portalin infovranjske.rs, i cili është media e parë e pavarur në Serbinë e Jugut. Ambicia e tij është t’u sigurojë qytetarëve informacion të plotë dhe objektiv mbi çështjet e shoqërisë. Vranjske përpiqet t’u sigurojë lexuesve të saj një analizë kritike të të gjitha segmenteve të lajmeve.

Shkoni në sit

Autonomija

Faqja web Autonomija është krijuar në vitin 2007. Është një media jofitimprurëse ose, siç thuhet më thjesht, një “media e komunitetit”, e financuar nga donacione nga organizata të ndryshme kombëtare dhe ndërkombëtare, por edhe nga “crowdfunding”, që do të thotë me mbështetjen e lexuesve të saj.
Faqja web e lajmeve Autonomija prezantohet si një alternativë ndaj medias publike ose komerciale, në mënyrë që të kontribuojë në pluralizmin e informacionit, në inicimin e debateve në shoqëri dhe në lirinë e shprehjes.

Ambicia e saj ishte të krijonte një hapësirë ​​për të ashtuquajturat subjekte tabu të ndërtuara nga dhe për ata që nuk kanë frikë të mendojnë dhe të shkruajnë atë që mendojnë me zë të lartë. Autonomija pretendon të luftojë kundër censurës dhe autocensurës.

Shkoni në sit

Sindikatat e gazetarëve të pavarur NUNS

Është themeluar më 26 Mars 1994 si një organizatë profesionale jo-partiake. Shoqata e Pavarur e Gazetarëve të Serbisë është themeluar nga gazetarë të pakënaqur me punën e Shoqatës së Gazetarëve të Serbisë.
NUNS tani ka më shumë se 3300 anëtarë, dhe numri po rritet dita ditës.

Qëllimet kryesore të Shoqatës janë: liria e shtypit, pluraliteti mediatik, përmirësimi i standardeve profesionale dhe etike, mbrojtja e të drejtave dhe interesave të gazetarëve (profesionistëve të medias), përfshirë mbrojtjen e tyre profesionale dhe ligjore, bashkëpunimi reciprok i gazetarëve dhe organizatave gazetareske brenda dhe jashtë vendit.
Shoqata ndërmerr aktivitete të ndryshme në mënyrë që të ndikojë në legjislacionin në fushën e informacionit, si dhe të respektojë të drejtën e lirisë së shprehjes dhe informacionit.

Shkoni në sit
Media rajonale

Media rajonale

BIRN

Balkan Investigative Reporting Network është rrjet i organizatave joqeveritare që promovojnë lirinë e shprehjes, të drejtat e njeriut dhe vlerat demokratike në Evropën Jugore dhe Lindore.
BIRN ka zhvilluar një strukturë rrjeti specifike që përmban organizata të pavarura lokale, të bashkuara rreth organizatës bazë-Rrjetit Ballkanik të Raportimit Investigativ Ballkanik (BIRN Hub) – një strukturë e cila ka avantazhin e ndërthurjes së ekspertizës lokale dhe kombëtare me një bashkëpunim unik rajonal.

Shkoni në sit

Balkan Insight

Balkan Insight është faqja web kryesore e BIRN-it. Ajo siguron lajme ditore, si dhe analiza dhe hulumtime mbi çështje kryesore në rreth dhjetë vende të Ballkanit. Faqja web ka krijuar një reputacion si burimi më gjithëpërfshirës, ​​profesional dhe i pavarur i informacionit në anglisht në Evropën Jugore dhe Lindore dhe është bërë burimi i përzgjedhur nga politikëbërësit, menaxhuesit e bizneseve dhe studiuesit akademikë në të gjithë botën.

Shkoni në sit

Radio Free Europe

Radio Slobodna Evropa (BCMS) : https://www.slobodnaevropa.org/
Радио Слободна Европа (maqedonisht) : https://www.slobodnaevropa.mk/
Radio Evropa e Lirë (shqip) : https://www.evropaelire.org/
RFE/RL (anglisht): https://www.rferl.org/

Radio Evropa e Lirë (Radio Free Europe) raporton lajme në 23 vende ku shtypi i lirë është i ndaluar nga qeveria ose nuk është vendosur plotësisht. Ky medium siguron atë që shumë njerëz nuk mund të marrin në nivel lokal: lajme të pacensuruara, diskutim të përgjegjshëm dhe debat të hapur. Radio Evropa e Lirë pretendon të mbajë standardet më të larta të gazetarisë objektive dhe të raportojë faktet, pa u trembur nga presioni ose tentim-ndikimet.

Shkoni në sit

Le Courrier des Balkans

Le Courrier des Balkans ka statusin e një shoqate jofitimprurëse të rregulluar me ligjin francez të vitit 1901. Në bashkëpunim me mediat më të mëdha të rajonit Courrier des Balkans punon qysh prej fillimit duke u mbështetur në një rrjet rajonal në mënyrë që të jetë shumë i përgjegjshëm ndaj ngjarjeve aktuale, duke ofruar pikëpamjen dhe analizat që qytetarët e Ballkanit paraqesin në lajmet e tyre. Le Courrier des Balkans ka një ekip gazetarësh që realizojnë reportazhe, hulumtime, analiza dhe intervista për ngjarjet aktuale në Evropën Jug-Lindore.

Shkoni në sit