PËRKUFIZIM

Një teori konspirative është një shpjegim historik ose politik që supozon ekzistencën e një “të vërtete të fshehur”. Lajmet e rreme konspirative plotësojnë 6 karakteristika kryesore:

1. ato fabrikohen nga një grup sekret shumë i fuqishëm që vepron në hije (Reptilians, Illuminati, Trilateral, NASA, Freemason, etj);

2. ky grup punëson një numër shumë të madh njerëzish (të vendosur në vende strategjike) në të gjithë sektorët e shoqërisë – në qeveri, media, polici, universitete, etj. – në mënyrë që “sekreti” të mbetet … sekret;

3. i kundërshtojnë versionet zyrtare, domethënë versionet që kanë konsensusin e shkencës ose që pranohen nga shumica në media ose në qeveri;

4. shpjegojnë një ngjarje përmes një shkaku të vetëm. Për shembull, lufta në Irak ka ndodhur … sepse i ka shërbyer interesave të Reptilianëve!

5. nuk mund të hidhen poshtë. Pavarësisht sa të forta janë kritikat që i bëjmë, mbrojtësit e tyre gjithmonë do të pretendojnë se ata që kritikojnë janë pjesë e konspiracionit … ose janë naivë.

6. bëhen të gjitha llojet e amalgameve. Për shembull: dihet që qeveria amerikane gënjeu për luftën në Irak, atëherë është e qartë që ka gënjyer edhe për misionet në hënë. Mbrojtësit e këtyre teorive, me kalimin e kohës, mund të zhvillojnë njohuri enciklopedike argumentetesh që mbështesin këto teori edhe nëse asnjë prej këtyre argumenteve nuk e vërteton vlefshmërinë e tyre.

ILUSTRIM : NJË FAQE INTERNETI KONSPIRACIONISTE NË MAQEDONI TË VERIUT

Natural News është një faqe webe ekstremit të djathtë në Maqedoninë e Veriut e njohur për përhapjen e lajmeve të rreme që nxisin teori të ndryshme konspirative.

‘Natural News’ ka qenë, në mes tjerash, një nga faqet web më aktive në shpërndarjen e një videoje konspirative, e cila pohonte në mërë të rreme se një grup i errët i elitave po e përdorte virusin dhe një vaksinë të mundshme për përfitime dhe pushtet. Në videon 26-minutëshe të titulluar “Plandemic” shfaqej një shkencëtare e diskredituar, Judy Mikovits, e cila tregonte se hulumtimet e saj në lidhje me dëmet e vaksinave ishin fshehur. “Plandemic” është lëshuar online më 4 maj kur autori i saj, Mikki Willis, e postoi atë në mediat sociale. Për tre ditë, kjo video është shpërndarë në faqet e Facebook-ut kushtuar teorive konspirative dhe lëvizjes anti-vaksinë. Pastaj ajo hyri në rrjedhën dominuese dhe u bë virale. Kështu, sipas New York Times, “pak më shumë se një javë pas publikimit të ‘Plandemic’, videoja ishte shikuar më shumë se tetë milion herë në YouTube, Facebook, Twitter dhe Instagram” (burimi: link).