КЛУЧНИ ПОИМИ

Традиционалните медиуми се медиуми основани пред интернетот; тоа се радиото, телевизијата и медиуми во печатена форма. Од 90-тите години на минатиот век и со доаѓањето на дигиталната технологија, овие историски медиуми се обновија со понуда на “онлајн“ верзии, како и верзии соодветни за паметни телефони (smartphones) и таблети.

Од 2004 година, се појавуваат нови медиумски играчи и влегуваат во конкуренција со традиционалните медиуми, тоа се : социјалните медиуми (Фејсбук, Јутјуб, Инстаграм, итн …). Ова се дигитални платформи чија содржина е генерирана од корисниците, и каде што најважен е принципот на интеракција помеѓу различните корисници на интернет. Оваа логика на соработка е специфична за Веб 2.0: некогаш конзументи на информации, корисниците на интернет сега се актери.

Еволуцијата на медиумскиот свет претставува можност. Навистина, појавата на нови дигитални форми (блогови, Википедија, Јутјуб, социјални мрежи, итн.) промовира поголем пристап до знаењето, слободата на изразување и учеството на граѓаните.

Во врска со улогата на медиумите, без разлика дали се традиционални или преку интернет, УНЕСКО нуди интересна типологија. Медиумите можат да вршат една или повеќе од следниве функции:

• Канал за информации и знаење
• Тело за контра-моќ и контрола на Владата
• Аниматор на демократскиот процес и олеснувач на дебатите
• Возило на културно изразување
• Федератор на една заедница

КОНКРЕТЕН СЛУЧАЈ

Балканската рута сè повеќе ја користат сириските и авганистанските мигранти кои сакаат да стигнат до Европа.

Социјалните медиуми играат важна улога во обработката на оваа информација.

Всушност, твитовите и фотографиите на Инстаграм објавени од барателите на азил за балканската рута овозможуваат подобро разбирање на човечката реалност што ја доживеале протагонистите.

Францускиот медиум Ле Фигаро (LeFigaro.fr) (линк) успеа на тој начин – благодарение на овие публикации направени во живо – да го следи патот на мигрантите до Австрија, Германија или Шведска преку Грција, Македонија, Србија и Унгарија.

Патувањето на мигрантите по Балканската рута, проследено и документирано благодарение на социјалните мрежи на протагонистите.

Оваа употреба на социјалните медиуми сведочи за еволуцијата на медиумскиот пејзаж и улогата на медиумите. Денес, секој може да биде сведок на настан и да го сподели со светот во рок од една секунда. Оваа практика го создаде “граѓанското новинарство“, кое го прави секој корисник на социјалните мрежи потенцијален продуцент на информации.