ДЕФИНИЦИЈА

Прогандата се однесува на техниките на убедување кои се користат за пропагирање на идеологијата или доктрината како и стимулирање на разни однесувања во рамките на целната публика. Во текот на 20 век, некои режими ја институционализираа пропагандата за манипулирање со масите.

Денес, државите ја користат пропагандата особено за да ја зауздаат слободата на печатот. На пример, во извештајот за 2017 година (линк), УНЕСКО изрази загриженост за сè почестите напади врз медиумите во форма на пропаганда и лажни вести. За некои држави се вели дека ги користат овие техники на дезинформација за да ги „оцрнат, заплашат и им се заканат на медиумите, особено тврдејќи дека тие претставуваат опозиција или дека кажуваат лаги“.

Оваа државна пропаганда против медиумите е забележана особено во балканскиот регион. Според тоа, Курие де Балкан (Le Courrier des Balkans) забележува дека, во неколку држави „манипулацијата со фактите се користи како оружје против независните новинари, граѓанското општество и политичките противници за нивно дискредитирање“.

ИЛУСТРАЦИЈА : ЛАЖНИТЕ ВЕСТИ ПРОТИВ НОВИНАРИТЕ ВО МОЛДАВИЈА

Во рамките на парламентарните избори 2019 година во Молдавија, високи официјални претставници придонесоа во кампањи за дезинформации и пропаганди насочени кон независни медиуми. Според Курие де Балкан овие државни лажни вести достигнале 54.000 корисници на интернет, преку лажни сметки на Фејсбук или Инстраграм.

Меѓу метите на оваа лажна вест беше Корнелија Козонац, директорката на Центарот за истражувачко новинарство во Молдавија (ЦИНМ), која се занимава со случаи за корупција. “Тролови“ ја клонирале нејзината сметка и објавиле неколку пораки во нејзино име, во обид да ја дискредитира нејзината новинарска работа. Исто така, започнале и сајбер напади против платформата на ЦИНМ, која објавува анкети за кандидатите на изборите во Молдавија.

Пропагандната кампања дури ја натера компанијата Фејсбук да реагира, со објавување на сооштение за печатот. Во него се објаснува дека “луѓето што стојат зад лажните сметки се обиделе да го сокријат својот идентитет, но нашите процедури за проверка открија дека дел од оваа дезинформациска активност е поврзана со вработени во молдавската влада“.