ПРЕЗЕНТАЦИЈА НА АКТИВНОСТА

Цели:

• Проверување на нивната способност за брзо проверување на сомнителни информации.
• Идентификување на информациите што треба да се проверат
• Запознавање со чекорите за проверка на информација или извор.

Трката за дезинформација е стимулативна активност затоа што е игра на брзина и ги става младите во конкуренција едни со други.

Лесно остварлива, им овозможува да видат колку е лесно да се применуваат мерките за проверката на информации.

ОДВИВАЊЕ НА АКТИВНОСТА

1. Формирајте групи од по 3 до 4 учесници.

2. Побарајте од учесниците да ги прелистаат новостите низ нивните социјални мрежи сè додека не најдат информација што треба да се провери.

3. Побарајте им да разговараат потоа за мерките што треба да се преземат.

4. Потоа, видете кој е најбрз во проверката на информацијата.

ПРЕЗЕНТАЦИЈА НА АКТИВНОСТА

“Час по истраги“ е игра што им овозможува на младите учесници да ја разберат структурата на информацијата.

Конкретно, тоа е новинарска истрага во која младите се ставаат во кожата на новинарите.

Цели :

• Да се разберат основите на новинарската професија, како и сериозноста што професионалните новинари мора да ја покажат за да ја потврдат точноста на информациите што ги пренесуваат.
• Да се стане свесен за важноста на критичкото размислување кога се соочуваме со една информација.
• Да се биде способен полесно да се извршува работата на проверка на изворите, откако ќе се изврши дел од работата на новинарот во оваа област.

На крај, младите се навикнуваат да го спроведуваат овој процес, кој многу брзо станува рефлекс. Ова ги спречува да паднат во стапицата на дезинформацијата.

Покрај поттикнувањето на тимскиот дух, запишувањето белешки, способност за синтеза и усната презентација, оваа вежба ја нагласува работата за сортирање што ја вршат професионалните новинари пред да објават една информација.

ОДВИВАЊЕ НА АКТИВНОСТА

Оваа новинарска истрага се одвива во неколку чекори:

1. За време на два часа, младите собираат сведоштва и документи

2. Овие сведоштва и документи биле претходно напишани или снимени од страна на обучувачот и “соучесниците“ (членови на педагошкиот тим, професори, членови на здружението …)

3. Сведоштвата и документите се однесуваат на ист настан (на пример: мистериозното исчезнување на две лавчиња во зоолошка градина), но доаѓаат од различни извори (на пример: управителот на зоолошката, сопственикот на кафулето спроти зоолошката градина … )

4. Тогаш, младите ги вкрстуваат овие документи за да се обидат да го разберат расплетот на фактите, а потоа ги испрашуваат сведоците (лице в лице или преку електронска пошта).

5. Потоа, тие реализираат репортажа во живо во која секој од нив ја игра улогата на новинарот, додека друг го снима, користејќи смартфон или камера.

6. Потоа, може да се дистрибуираат видеата на платформа по ваш избор за да ја подигнете свеста на другите млади за овие проблематики (и да им се овозможи на младите да го проценат квалитетот на нивната изведба!)

ПРЕЗЕНТАЦИЈА НА АКТИВНОСТА

Опис :

Квизот е алатка за учење преку игра – тоа не е проценка. Вежбата треба да биде придружена, барем делумно, со едноставни и достапни прашања со цел да се зајакне нивната способност да ја разберат темата и со тоа дополнително да се подигне нивното учество.

Оваа вежба овозможува, на пример, да се пристапи кон концептот на лажни вести преку практика, пред обид да се дефинира теоретски истиот. Но, истовремено, овозможува да се повика директно нивното критичко размислување.

Исто така, служи да ги изненади учесниците во избрзаните заклучоци што некој може да ги извлече од информација или слика.

Конкретно, оваа вежба овозможува да се покренат сите видови прашања во врска со критичкото образование на медиумите.

Цели:

– Поттикнување на усното учество, дијалог, аргументација и зајакнување на теоретскиот дел од работилницата преку практична и когнитивна активност

– Создавање групна динамика преку тимскиот дух

– Овозможува вешто да се обезбедат теоретски информации за светот на медиумите (слобода на печат, историски датуми итн.).

ОДВИВАЊЕ НА АКТИВНОСТА

1/ Обучувачот подготвува петнаесетина прашања (еден слајд со прашања проследен со еден слајд со одговори)

2/ Обучувачот ги дели учесниците во групи од 4 до 5 лица

3/ Претставени во форма на прашање со повеќе избори, од секоја група ќе биде побарано да одговорат колективно со избирање на само еден одговор од неколку понудени избори.

4/ За секој даден одговор, обучувачот бара од секој тим да го образложи својот избор со краток и усен одговор

5/ Обучувачот го открива точниот одговор. Потоа ги забележува бодовите добиени од секој тим (да се повтори за секое прашање, сметајќи по 1 бод за секој точен одговор)

Идеално би било да го создадете сопствениот квиз поврзан со темите за кои станува збор. За да најдете инспирирација и / или да ги информирате учесниците за тоа како функционираат квизовите, постојат веб-страници, особено “quipoquiz.com“ кој нуди различни категории (тука е соодветна категоријата “наука или фикција“), но исто така има и забавни квизови.

Примери на прашања:

Според вас, на кое место на светско ниво е рангирана Србија според слободата на печат во 2020 година?

А. 2

Б. 20

В. 71

Г. 93

Одговор: Г (Србија е на 93-то место според Светскиот индекс за слобода на печат за 2020 година, Србија продолжува да е земја која е често опасна за новинарите и каде лажните вести се шират многу брзо. Поголемиот дел од истрагите за нападите врз новинарите се во ќор-сокак или класифицирани како “без продолжение на истрага“.)

ПРЕЗЕНТАЦИЈА НА АКТИВНОСТА

Цели :

– Овозможува на учесниците да го применат новинарскиот процес на проверка на фактите.

– Проценување на квалитетот и релевантноста на информацијата.

– Запрашување за тешкотијата да се добие јасна информација за одредени теми.

Учесниците ќе бидат распределени во групи на компјутери и ќе имаат неколку информации за проверување. Тогаш ќе биде потребно да се подготват неколку теми за да се знае однапред вистинитоста или не на овие информации, но целта е да им се овозможи самите да го откријат.

Проверката може да опфати неколку видови информации, од наједноставни – како што се датумот на настанот, содржината на еден закон или текот на фудбалскиот натпревар – до најкомплицираните. На пример, утврдувањето на бројот на невработени во Косово бара дефинирање на невработеноста (која варира зависно од организацијата)

Целта на оваа вежба е да им се даде на учесниците улога на “истражувач“, “мини-новинар“ и да се стекнат со навика на внимателност која ќе треба да ја применуваат во секојдневието на интернет.

ОДВИВАЊЕ НА АКТИВНОСТА

1 – Обучувачот собира десетина информации (во зависност од бројот на млади) пронајдени на интернет или социјалните мрежи, кои се лажни вести (негирани од нивното објавување) или вистински информации што можат лесно да се проверат. Обучувачот го извршува процесот на проверка на една информација и ја подготвува корекцијата).

2 – Учесниците, поделени во групи од 2 или 3, влечат ливчиња со 2 или 3 информации.

3 – Ставете ги учесниците во групи пред компјутери и дајте им неколку информации за да ги проверат.

4 – Потсетете ги за процесот на проверка на информациите:

• Која е природата на страницата каде што ги најдовме информациите? (видете го фолдерот ‘правни известувања“ или фолдерот “за нас“ на страницата)
• Дали се работи за меѓународна страница за информации, хумористична страница, политички блог?
• Кој е автор на информацијата? Политичар, новинар, експерт, граѓанин, анонимен автор? (Направете истражување за таа личност)
• Која е неговата цел?
• Дали тој се обидува да нè исплаши, да нè информира, да нè манипулира, да нè убеди?
• Од каде доаѓа информацијата и врз кои извори / докази се заснова?
• Од кога датира?
• Дали информацијата била објавена на други страници?
• Дали можеме да ја вкрстиме, односно да ја најдеме на друго место, на други медиуми?

5 – Презентација од секоја група на процесот на проверка на информацијата, впечаток на другите групи од извршената презентација, корекција од обучувачот.

ПРЕЗЕНТАЦИЈА НА АКТИВНОСТА

Во играта на улоги на кругот на информацијата, учесниците ги отелотворуваат различните актери кои учествуваат во создавањето на една информација:

• актери, сведоци, новинари, редактори и аниматори-техничари.

Предизвикот е да се подигне свеста за својствените тешкотиите на верната и објективна транскрипција на еден факт, особено кога се заснова на сведоштва.

Цели:

– Овозможување на младите да ги разберат, материјализираат и идентификуваат актерите на кругот на информацијата.

– Ставање учесници во чевлите на медиумските актери (игра на улоги)

Прво, поделете ги учесниците во 5 групи. Секоја група ќе има улога да игра во кругот на информацијата со што ги претставува различните фази претставени во делот посветен на кругот на информацијата во едукативниот лист 3.

Успешното изведување на оваа вежба значи дека различните групи не доаѓаат во контакт пред интеракциите и планираните размени на вежбата (идеално би било учесниците да излезат од салата и потоа да влезат во групи).

ОДВИВАЊЕ НА АКТИВНОСТА

1. Првично, првата група измислува настан од јавен интерес. На пример, сообраќајна несреќа во која учествувал некој политичар, демонстрација на работници по затворањето на нивната фабрика или апсење на некоја славна личност (пеач или познат актер). По консултација, далеку од другите групи, групата ќе мора да го имитира / изведе / нацрта предметниот настан само пред втората група

2. Втората група, чии членови глумат сведоци сами присуствуваат на изведбата на настанот, играна од првата група и ги алармираат медиумите.

3. Третата група, онаа на новинарите, потоа влегува на сцена: нејзините членови ги слушаат сведочењата на сведоците (од групата 2) и ја проверуваат информацијата со вкрстено проверување на сведочењата благодарение на интервјуата засновани на она што новинарите го нарекуваат „5W“. (When = Кога? Where = Каде? Who = Кој? What = Што? Why = Зошто?).

4. Четвртата група, таа на редакторите (настрана уште од почетокот) ги собира извештаите на интервјуата и ја презема одговорноста за пишување на кратка статија (т.е. краток синтетички напис кој го резимира настанот со одговор на „5W“).

5. Оваа кратка статија им се пренесува на членовите на петтата група (аниматори и техничари), кои ја шират информацијата како што им била соопштена, со аудио или видео-снимка или со симулирање на ТВ-дневник, на пример.

4-те групи што ќе ја проследуваат информацијата (од сведоците до дистрибуцијата) ќе имаат деликатна задача да пренесат информација што е можно поцелосна и неутрална. Сепак, може да биде интересно намерно да се изведе неуспешно завршување на оваа вежба со барање, на пример, на еден од сведоците од втората група да излаже за она што го видел или да измисли заговор околу настанот.

6. Брз преглед на вежбата ќе ни овозможи да ги поставиме следниве прашања:

– Дали информацијата била верно пренесена? Дали последната група ја пренесува информацијата која е најблиска до реалноста на фактите?

– Кои се својствените потешкотии за секој чекор / функција?

– Кои се клучните параметри за маневрирање на секоја група во однос на обработката на информацијата?

ПРЕЗЕНТАЦИЈА НА АКТИВНОСТА

Да се ​​воведе сесија на работилница, на пример, може да биде интересно да се прашаат учесниците да пренесат информација или настан што неодамна ги допрело на вестите, што ќе овозможи да се разговара заедно.

Земајќи конкретни и актуелни примери, прегледот на печат на почетокот на сесијата е добра вежба за спроведување во пракса целите на работилницата и има многу предности.

Оваа вежба овозможува :

– Зајакнување на димензијата на размена и ко-конструкција на работилницата преку охрабрување на учесниците да зборуваат за актуелни теми, што го истакнува нивното учество и нивната вклученост.

– Интегрирање или повторно употребување на теоретски поими претходно проучувани, благодарение на тековните настани (потсетување на дефиницијата за информација, разликата помеѓу информацијата и мислењето, да се биде претпазлив за природата на изворот, потсетување на природниот рефлекс кој понекогаш се состои од преферирање сензационални информации и / или блиски до нас).

– Информирање за медиумската практика на младите и нивниот однос со информацијата. Социјалните мрежи честопати се сметаат за нивен главен извор на информации (генерално се цитираат Снепчет и Инстаграм). Оваа вежба може да биде прилика да ги охрабрите да консултираат други извори на информации на кои се презентираат вестите на поинаков, подлабок начин, како што се страниците за проверка на фактите што може да се следат на одредени социјални мрежи.

ОДВИВАЊЕ НА АКТИВНОСТА

1. Секој ученик има 5 минути за да бара, на својот телефон, информација или настан што го допрело а кој бил емитуван на вестите

2. Секој ученик ја пренесува таа информација на групата

3. Ученикот го дава изворот на информацијата (Каде ја нашол оваа информација за прв пат?)

4. Неговиот интерес за информацијата (Зошто ја задржал?)

5. Ставање во перспектива од страна на обучувачот

ПРЕЗЕНТАЦИЈА НА АКТИВНОСТА

Облакот на зборови е заедничка вежба во која младите се поканети да започнат од зборот “медиуми“ напишан на таблата, да го покажат своето знаење за медиумскиот свет и да ги споделат.

Оваа вежба им овозможува на учесниците да ги претстават главните актери во балканските медиуми на јасен и организиран начин, истакнувајќи ги нивните разлики.

Оваа вежба, исто така, претставува можност за супервизорите да ја набљудуваат медиумската практика на целната група (кои видови на медиуми користат? каде се информираат?) и со тоа да го насочуваат развојот на работилницата според нивните практики и нивните мислења. Се бара да се разјаснат или аргументираат одговорите или да ги охрабрите да дадат свои мислења со цел да се задлабочат во одредени теми.

ОДВИВАЊЕ НА АКТИВНОСТА

1. Пишување на зборот “медиуми“ на визуелна алатка и запишување на имињата на медиумите или (медиумски поддршки : телевизија, радио, печатени медиуми, социјални мрежи) што им паѓаат на ум.

2. Распределување на медиумите предложени од учесниците според видовите на поддршка.

3. Разликување на приватните медиуми од јавните.

4. Разликување на традиционални медиуми и социјалните медиуми : повеќето учесници често користат социјални мрежи (Инстаграм/Снепчет/Фејсбук), било за консултирање на информации или едноставно да поминуваат време на овие мрежи. Така што, за време на оваа вежба, ќе се постави прашањето за местото на социјалните мрежи во медиумскиот пејсаж, или спонтано од учесниците или од едукативниот супервизор. Затоа, ова ќе биде прилика да се воведат темите за масифицирање на информациите на интернет и потенцијалната манипулација со информациите што социјалните мрежи можат да ги пренесат. Покрај тоа, ќе треба тогаш да се напомене дека социјалната мрежа нема редакција, ниту новинар, сите ние сме креатори и дистрибутери на информации без да сме професионалци. Затоа, треба да се охрабри претпазливоста бидејќи секој може да се изразува на овие мрежи.

ПРОДУКЦИЈА НА ТВ ДНЕВНИК

Опрема: За продукција на ТВ дневник, прво треба да се избере камера (лесна за употреба) или да се користат мобилните телефони на членовите на групата. Исто така, ќе ви треба софтвер за монтажа (види линкови подолу) и да ги обучите вашите студенти во основите на монтирањето видео. Потоа изберете еден или повеќе канали за емитување (јутуб, социјални мрежи …).

Потребно време : За тимска продукцијата на ТВ дневник може да бидат потребни неколку половина денови индивидуална и тимска работа.

1. Избор на теми:

Првото нешто што треба да се направи е да се организира уреднички состанок за да се утврди името на ТВ дневникот, темите кои ќе бидат опфатени, но исто така и форматите (репортажа, интервјуа, дебата, блиц вести) и избраните агли.

2. Распределба на улогите:

Ова ќе биде и прилика да се распределат улогите на “новинари“, “експерти“, на водител/и, “техничари“ (снимател, монтер) за да се одговорат следниве прашања: кој за што е одговорен? како секој треба да го подготви својот настан (истражувања, прашалник, репортажа, интервенција).

3. Шема и сценарио:

Потоа, потребно е да се воспостави една шема (одвивањето на програмата од минута во минута) и да го води водителот/ката во пишувањето на својот текст или сценарио (сè мора да биде напишано: вовед, лансирање на теми, на новинари, заклучок на секој формат, премини, заклучоци, заблагодарување …) и да го/ја вежба во ситуација без да гледа премногу надолу кон својот лист.

4. Снимање:

Снимањето се одвива со претходно снимање (не во живо) и по секвенции за да се избегне бучавата од столовите, движењата и да се задржи ритамот, на пример:

интро-лансирање / тема 1 / заклучок- лансирање / тема 2 / заклучок / вовед интервју / интервју / заклучок-лансирање / тема 3 / заклучок на ТВ дневникот / Заблагодарување

на неутрална позадина, или избрана, со доволно светло и фиксна и прилагодена рамка.

5. Монтажа:

Потоа ќе биде потребно да се монтираат сите елементи по редоследот со цел да се даде илузија на пренос во живо (или течна низа) почитувајќи ја шемата претходно утврдена на софтвер

6. Емитување

За крај, ќе треба да се објави онлајн ТВ дневникот, на пример на јутуб, но исто така и на социјалните мрежи или интранет прецизирајќи ги клучните зборови, ставајќи ги линковите кон други содржини, со претходна изработка на нејзиниот визуелен идентитет (лого, наслов) и со додавање на краток опис за да го потикне корисникот да го гледа ТВ дневникот.

ПРОДУКЦИЈА НА КРАТКОМЕТРАЖЕН ФИЛМ, ДОКУМЕНТАРЕЦ ИЛИ РЕПОРТАЖА

Продукцијата на видео вклучува различни формати како што се:

• краткометражен филм (кратко сценарио)
• документарец (видео од типот “истрага“ за една проблематика обработена од различни аспекти)
• репортажа (видео што се занимава со одредена тема и под посебен агол)

.

Опрема: Креирањето видео не бара професионална опрема: дигитален уред, паметен телефон, таблет можат да бидат доволно.

Потребно време: За тимска продукција на краткометражен филм може да бидат потребни неколку половина денови индивидуална и тимска работа. Можно е да се скрати времето на продукција со реализирање на секвенца, односно со снимање на видеото одеднаш, со што нема да е потребно никаква монтажа.

1. Избор на тема:

Пред да се осврнете кон неопходните чекори за продукцијата на самиот филм, препорачливо е учениците да бидат упатени за избраното прашање (тема) ставајќи им на располагање алатките и документите, со цел да се создаде средина погодна за дијалог на темата, дефинирајќи со младите неколку можни патеки; со истражување и користење на постојните ресурси; со елаборирање на порака.

Од оваа порака, препорачливо е да се пишува на колаборативен начин, краток текст (една страница) во кој се резимира она што сакаме да го прикажеме во филмот. Ова е синопсис, ја почитува наративната шема и го објаснува заклучокот.

2. Форма :

• Формат : Филм од најмногу две минути подразбира концизност и ефикасност. Треба да се избере форматот: информативен спот, реклама, виц, трејлер, фикција, репортажа
• Сценарио : Мора да биде што е можно подетално за брза реализација. Потоа, мора да се подели приказната на неколку наративни секвенци, потоа секоја секвенца на неколку кадри и конечно да се развие стори-бордот (story-board).

3. Пред снимањето:

• Неопходно е да се дефинираат местата (локациите) и сценографијата, текстовите, дијалозите, костимите и додатоците
• Улогите, исто така, мора да бидат распределени во тимот: снимател, монтажер, сценарист, режисер, инженер за звук (снимање звук, музичка анимација…), актери.

Исто така, мора да бидат согласни за користените техники:

• за сликите : стандарден филм (актери играат сцени), анимација на предмети (пластелин, лего, плејмобил, исечоци на слики…), пиксилација (фотографија слика / слика), анимиран слајдшоу со звук
• за звукот : директно снимање на звук за време на снимањето, додавање звук после тоа (повторно снимање на гласови), саундтрак (исклучен глас, коментари, музика).

Ќе биде потребно однапред да се испланираат овластувањата за употреба на звучни и видео записи и, конечно, да се реализира снимањето.

За да се олесни монтажата, можеме да ја започнеме секоја снимка со клап удар означувајќи го бројот на секвенцата или нејзиното име, бројот на снимката.

4. За време на снимањето, треба да се изберат најинтересните снимки и да се зачуваат сите снимки на мемориската картичка или на компјутер.

5. Монтажата содржи неколку чекори:

• Префрлувањето на видео и звучни фајлови, монтажата на звук и видео, додавањето ефекти по потреба, музиката (без авторски права), титлувањето (доколку е потребно), почетни и крајни кредити.
• Потоа мора да се префрли финализираниот фајл на монтажа за емитување. Од фајлот на конечниот филм, сите преноси се можни (веб, видео проекција, телевизија, итн.).

ПРАКТИЧНИ АКТИВНОСТИ

Овој педагошки лист може да се користи како основа за организирање активност за продукција на видео со младите.

ПРЕЗЕНТАЦИЈА

Создавањето на едно списание им овозможува на младите да ги стекнат основните знаење развивајќи ги своите вештини (критичко размислување, тимска работа) и нивните квалитети (љубопитност и упорност).

ЧЕКОРИ НА КРЕИРАЊЕ ОНЛАЈН СПИСАНИЕ

1. Првите чекори

Првиот чекор е да се изгради тим од мотивирани луѓе кои ќе се вложат во реализирањето на проектот.

Ова е “тврдото јадро“ на редакцијата. Тие ќе бидат одговорни за:

• Избирање и пишување статии
• Фотографирање / пронаоѓање слики и видеа за илустрирање на списанието
• Пронаоѓање говорници и водење интервјуа пред нивна транскрипција
• Дистрибуирање на списанието на социјалните мрежи

За ова, најефикасно е редовно организирање на уредничкиот одбор, така што секој може да ги знае своите одговорности во продукцијата на списанието според нивните желби и склоности.

2. Дефинирање на својата формула, пронаоѓање на својот идентитет

• Поставување на прашањето за целите на медиумот: дали станува збор за придонес кон анимацијата на животот на едно средно училиште, на некое здружение? Да се ​​промовира изразувањето на што повеќе млади луѓе? Да се поттикнат дебати меѓу нив на одредена тема?
• Дефинирање на својата цел: Учениците на едно училиште? Членовите на некое здружение? Целата заедница?
• Поставување на прашањето за уредничката линија: Во неколку редови, обидете се да ја дефинирате насоката на вашето списание: неговата амбиција, неговите омилени теми, неговиот тон (сериозен, лесен, хумористички?), природата на содржините и начинот на кој тие ќе бидат обработени во зависност од вашата цел.
• Пронаоѓање наслов за вашето списание што ќе ви помогне да го истакнете, да го потврдите неговиот идентитет и да придонесе за неговата популарност.
• Конечно, потребно е да се оценат материјалните услови поврзани со вашиот медиум според периодичноста и темпото на објавување. Бројот на членови во вашиот тим, нивната вклученост и нивната достапност се важни фактори, како и опремата со која располагате.

3. Изборот на содржините

За задржување на интересот на вашата публика, мобилизирање на нејзиното внимание и поттикнување на нивната љубопитност, мора да се внимава да се менуваат методите за обработка на информацијата.

Главните новинарски жанрови со кои располагате се:

Репортажата, истрагата и интервјуто, нота, критиката, извештајот, портретот.

За секоја тема, агол

За да избегнете напис (или портрет) предолг и тежок за читање, апсолутно е потребно да се избере агол, односно, гледна точка, да се изберат специфичните аспекти на темата што сакате да ја истакнате и да се остават останатите.

Пример: Отворањето на едно кино е тема

Туристичкото влијание на новото кино врз градот е агол.

4. Поделување на улогите

Во редакција, сите не ја извршуваат истата работа. Моделот Мадмагз (Madmagz) предлага да се подели групата на 3:

– 1 главен и одговорен уредник,

– уредници,

– редактори

(Види: Лист 17 прилог). Улогите можете да ги прилагодите ако не сакате да го следите моделот Мадмагз (Madmagz).

Сите редактори треба да ги имаат предвид шестте суштински прашања за пишување статија. Новинарот или редакторот секогаш мора да си ги поставува прашањата: кој? што? кога? каде? како? зошто?

Исто така, треба да се согласите за должината на статијата и нивото на јазик на списанието пред да се премине на пишувањето (ниту премногу возвишен ниту премногу фамилјарен).

Помеѓу останатите задачи што можат да се извршат, ги наоѓаме:

• Илустраторот/илустратока, чија работа е да слика, црта или презема фотографии, слики, звуци, илустрации или видеа (без авторски права или означувајќи го изворот) за да го илустрира списанието.
• “Комјунити менаџер“ (“community manager“) кој се грижи за наоѓањето врски поврзани со креираната содржина од редакторите за да го упати читателот кон други страници. Тој е исто така одговорен за социјалните мрежи и мора да ја промовира дистрибуцијата на списанието кон што повеќе луѓе, обрнувајќи внимание на дополнителните вреднувачки елементи на статијата како што се: насловот, поглавјето, фотографиите, кратките извадоци што ќе се појават на пребарувачот.

5. Објавувањето на списание

Откако вашето списание е завршено, можете да одлучите да го објавите во веб или хартиена верзија (види “лист 17 прилог“) според вашите желби, вашите амбиции и вашата цел.

АПЛИКАЦИЈАТА МАДМАГЗ (MADMAGZ)

Можете, за да го креирате вашето онлајн списание, да ја користите апликацијата Мадмагз (Madmagz). Нејзиниот колаборативен изглег и интерфејс овозможуваат тимска работа и поедноставување на изгледот и графичките елементи на списанието.

Мадмагз (Madmagz) (https://madmagz.com/) е веб апликација која овозможува создавање весник на едноставен и колаборативен начин. Оваа алатка нуди голема флексибилност што овозможува создавање на секаков вид списанија (училишен весник, информативен весник, дневник за патувања, асоцијативен весник итн…). Единствената граница е вашата имагинација!

Апликацијата Мадмагз (Мadmagz) им овозможува на своите корисници да создадат во група, онлајн списание кое исто така ќе може, на крајот од процесот, да се трансформира во печатена верзија.

Благодарение на различните алатки на платформата, ќе можете да:

• Изберете модел на списание што одговара на вашата содржина
• Креирате категории на страници (корици, резиме, едиторијал, статии …)
• Пишувате статии и да ги прегледувате истите користејќи ги функциите за хиерархиска соработка
• Додадете, менувате, уредувате и бришете страниците
• Избирате опции за изледот
• Додадете фотографии, звуци, видеа и вметнете линкови кон други веб-страници
• Објавите вашето списание онлајн или во печатено издание, откако целата содржина ќе биде проверена

Сите овие чекори се објаснети и детални во “лист 17 прилог“

ПРАКТИЧНИ АКТИВНОСТИ

• Можете да го користите овој едукативен лист за да водите активност за создавање весник со млади луѓе.
• Да се погледне и “лист 17 прилог“ за апликацијата Мадмагз (Madmagz)

ПАТОТ ДО ПРОИЗВОДТСВО НА ИЗВОРЕН ПОДКАСТ

Подкаст и радио емисија

Подкастот се разликува од радио-емисијата по тоа што е дизајниран само за да се емитува онлајн (преку интернет), а не преку радио.

Внимание : не мешајте радио-репризи, често наречени “подкасти“ што ви овозможуваат да слушате веќе емитувани радио програми, и изворен подкаст, кој не е наменет да се емитува во етер.

Спецификите на изворниот подкаст

За разлика од радио-емисијата, изворниот подкаст нема временско ограничување и може да се занимава со многу широк спектар на теми (тематики за широка јавност како и теми по специфични). А со тоа и продуцентите имаат поголема редакциска слобода и можат да ја изберат својата цел со прилагодување на содржината. Подкастот може да содржи неограничен број епизоди и да се подели на сезони (тематски или хронолошки).

Доколку сака да ги задржи слушателите, продуцентот ќе ја земе предвид важноста на редовноста на емитувањето, визуелниот и звучниот идентитет со акцент на квалитетот на звукот. Покрај тоа, бидејќи има за цел да циркулира преку интернет, клучно е да се дистрибуира на што повеќе платформи и да се промовира на интернет, особено на социјалните мрежи.

Избор на темата

• Уредничкиот состанок е првиот чекор во одредувањето на темата на вашиот подкаст со целиот тим
• Може да изберете тема:
• Многу едноставо, на пример : “Животот во медиатеката во вашиот град”
• Широка тема но не и лесна за обработка, на пример : “Што е тоа да се биде млад во денешно време ?”
• Или уште поспецифична тема, на пример: “Светското првенство во фудбал“, “сексизам“, итн.
• Учесниците мора да одлучат и за името на емисијата.

Потребно е и усогласување за :

• Времетраењето на емисијата (20 минути на пример)
• Распределба на улогите на секој (водител, новинар, експерт…)
• Одредување на содржината за секој дел од емисијата (репортажа, дебата,интервју)
• Одредување на минутажата, или “водачот” на епизодата минута по минута

Формите за анимација на подкастот : за анимирање на еден подкаст, може да се користи интервју, дебата, репортажа или овие сите три форми истовремено.

• Техники за интервју :
• Врз основа на избраната тема, учесникот мора да го најде лицето за контакт.
• Лицето кое го води интервјуто ја држи контролата на разговорот. Мора да го следи редоследот на однапред подготвените прашања. Истите имаат логичен редослед.
• Ова подразбира голема предходна истражувачка работа. Прашањата мора да бидат прецизни.
• Лицето кое интервјуира знае како да продолжи согласно дадените одговори и да се одалечи од своите прашања кога е потребно.
• Подготовка на дебата:
• Целта е да се дискутира околку одредена тема каде што е потребна разновидност на гледишта.. Или затоа што темата е сложена или затоа што предизвикува дебата.

Водителот има посебна улога :

• Тој ќе ја предводи оваа тркалезна маса поставувајќи специфични прашања за да одговори на темата и за да даде збор. Тој ќе мора да се осигура дека се почитува времето на зборување на сите.

Некои учесници сами ќе ја играат улогата на експерт/и :

• Секој мора да има одредена улога. (социолог, родител на ученик …).
• Секој од експертите работи на своите аргументи.
• Тие заедно ја усовршуваат темата, разменуваат идеи и му помагаат на водителот да ги подготви своите прашања.
• На крајот од овој чекор, учесниците мора да го подготват текот на нивната дебата и мора да бидат подготвени за снимање!
• Репортажа : Репотерот ќе ја бара информацијата таму каде што се наоѓа : на терен. Репортерот е новинар кој ќе ги покрива тековните настани за да ги пренесе на слушателите.

За да го подготви своето излегување, тој треба :

• Да се распраша за темата
• Да ја подготви својата екипа
• Да ги избере своите соговорници
• Да ги подреди информациите што сака да ги собере

На терен, тој треба :

• Да ги пронајде вистинските соговорници
• Да знае да се претстави
• Да ги поставува вистинските прашања, да набљудува, да забележува.
• Да снима интервју, да снима дел од атмосфера, да додаде свучни елементи

Снимање вон емисија

Интервју или тонско снимање на отворено :

• Репортерот мора да има мобилен телефон од типот на паметен телефон (или по можност микрофон)
• Да ја користи функцијата “снимање“ (копчето “rec“, “stop“ и “save“) за да ги сними своите прашања потоа, одговорите од својот соговорник, внимавајќи да не е пребучна околина
• Ако станува збор за снимање амбиентални звуци (на пример: звуци од толпа што демонстрира), тогаш тој може само да го пружи својот мобилен или микрофон кон дадената толпа.

Предходна монтажа

• Откако ќе бидат снимени различните записи, тој може да премине во фаза на монтажа што се состои во извлекување на звуците од неговиот телефон (со испраќање на својата е-пошта или преку УСБ стик).

Внимание: Проверете дали звуците се испратени до обучувачот пред да се избришат од телефонот или микрофонот, заради безбедност

• Потоа мора да се вчитаат во компјутер опремен со софтвер за монтажа на Audacity (www.audacity.sourceforge.net), Netia или друг софтвер за монтажа на звук
• За да научите како да поставите сесија за монтажа на компјутерот и да ги уредувате звуците, упатствата се достапни на (https://manual.audacityteam.org/index.html)
• Ваше е да ги обучите младите од вашата група во неколку чекори (прилично е едноставно!), што ќе им овозможи да вчитаат и уредуваат звуци за да создадат звучна репортажа.

Снимање на емисија

Учесниците наизменично седнуваат околу мала маса.

Во средината на масата, снима смартфон опремен со микрофон.

За да се избегне бучавата од столовите, на разни движења од чекори но и заради одржување на ритамот на снимањето, пожелно е да се снима во неколку дела според протокот на емисијата

На пример:

• Снимање на водителот
• Едиторијал
• Претставување на темите
• Интервјуа
• Заблагодарување, крај на емисијата

Внимание: Ако сакате да емитувате репортажа, ќе треба да ја додатете на крајното снимање.

Монтажа на снимки и емитување на подкастот

• Обучувачот е задолжен да ги склопи снимките за да направи епизода и да додаде “звучни запирки“ (музички извадоци пократки од 5 секунди) за флуидноста на деловите и за да ги поврзе паузите.
• Потоа треба да се емитува на бесплатна платформа (soundcloud на пример https://soundcloud.com/discover) со пишување на резимето на подкастот (неговата тема, форматот, продуцентите, оригиналноста).
• Конечно можете да организирате групна сесија за слушање.

Забелешка: Вежбата може да се поедностави со користење на само еден од форматите (интервју, дебата, репортажа)

ЕМИСИЈА “ ФАБРИКА НА ЛАЖНИ ВЕСТИ“ (FAKE NEWS FACTORY)

Програмата Фабрика на лажни вести е создадена за да ги предупреди учениците за ризиците поврзани со ширењето на лажни вести и теории на заговор во медиумите, особено на интернет.

Оваа програма е создадена за да им овозможи на младите да учествуваат во игра со улоги во кои некои ќе играат заговорници, а други, новинари, и со тоа да ги совладат одредени централни теоретски поими за овие проблематични теми.

Емисијата се одвива во неколку фази :

Распределба на улогите на сите :

• Новинари и заговорници (во еднаков број)
• Водител/ка
• Експерт
• Инженер за звук, кој го следи снимањето и го подава микрофонот
• Монтажер

Заговорниците

• Со преземање на механизмите и структурата на теоријата на заговор (споменати во педагошките листови од сесија 3 “Информација и дезинформација“), заговорниците се задолжени да ја напишат сопствената теорија на заговор на избраната тема (или да преземат веќе постоечка)
• Откако ќе се финализира теоријата, заговорниците ја откриваат пред новинарите.

Новинарите

• Новинарите, потоа, ќе треба да извршат ригорозни истражувања почитувајќи ги главните правила на новинарскиот пристап (детално наведено во педагошките листови во сесија 3: проверка, споредба, вкрстена проверка на информациите).
• После тоа, новинарите ќе треба да одговораат, да ја разоткриваат теоријата на заговор, аргумент по аргумент.

Експертот

• Да се назначи еден од младите кој ќе ја игра улогата на експертот, специјалист за теории на заговор и лажни вести, кој обезбедува алатки за откривање на лажните информации.

Снимање

• Може да го снимите звукот со микрофон на звучна картичка или со мобилен, а потоа целиот да го монтирате на софтвер (Audacity или Netia)
• Епизодата мора да следи однапред дефиниран тек и сите интервенции мора да бидат преходно запишани.

Одвивање на епизодата

ДЕЛ 1

• Епизодата започнува со вовед на водителот: име на радиото, структурата, самата емисија, започнување на емисијата.
• Водителот потоа го претставува првиот гостин (заговорник) и го замолува да ја објасни својата теорија, своите докази
• Водителот го претставува и првиот новинар, неговите против-аргументи, неговите докази
• Водителот им се заблагодарува на учесниците и преминува на вториот дел

ДЕЛ 2

Водителот му дава збор на експертот, специјалист за теории на заговор и лажни вести, кој обезбедува алатки за откривање на лажните информации имено:

• Проверка на природата на сајтот каде е пронајдена информацијата
• Проверка на идентитетот на авторот на таа информација: Дали е новинар, специјалист по темата за која разговара ? Која е неговата цел ?
• Да се провери датумот на објавата на информацијата (секоја информација брзо застарува)
• Изворите: една информација секогаш мора да биде потврдена од 3 различни извори пред да биде објавена
• Потсетување дека секогаш треба да се пребарува, да се биде љубопитен и сомнителен
• Потсетување дека критичкото размислување е најефикасното оружје што сите го поседуваме против лажните информации и теориите на заговор

Водителот им се заблагодарува на експертот, на гостите, на екипата и ја завршува емисијата.

ПРАКТИЧНИ АКТИВНОСТИ

Овој педагошки лист може да се користи како основа за организирање на активност на креирање на радио или изворен подкаст со млади; или за симулација на радио емисија со заговорници и новинари.