ОБЈАСНУВАЊЕ ЗА АКТИВНОСТА

Со зголемувањето на бројот на страниците (сајтови) на iнтернет, не е секогаш лесно да се одделат страниците што содржат вистински проверени и изворни информации од интерес за јавноста од страниците што шират сензационалистички лажни информации. Овие страници, честопати креирани од професионални веб-развивачи, сè повеќе изгледаат како вистински новински страници (графички квалитет, функционалности, итн.).

Сепак, сè уште е можно да бидете претпазливи и да ја проверите веродостојноста на веб-страницата а ние ќе ви покажеме како, чекор по чекор!

ПРАКТИЧНИ СОВЕТИ

Чекор 1: Кликнете на фолдерот “правно известување“ или “за нас“: Тие генерално ви овозможуваат да го идентификувате типот на страницата што ја гледате и да обезбедите суштински информации за природата на страницата, кој е нејзин сопственик, правно лице на кое е прикачена, прометот, датумот на создавање итн. Колку повеќе овие фолдери се видливи, лесни за пристап и богати со прецизни информации, толку посигурна може да биде страницата.

Внимание: Бидете свесни дека на комерцијална страница, правните известувања се едноставно задолжителни. Без правни известувања, нема нарачки!

Чекор 2: Проверете го идентитетот и веродостојноста на уредниците на страницата: Откако ќе ги разгледате фолдерите “правно известување“ и “за нас“, ќе можете лесно да најдете кои (с)е автор(ите) на страницата. Фолдерите “Кои сме ние“ или “контакти“ се направени токму за тоа. Ако не можете да ги најдете овие фолдери и доколку овој чекор ви се чини комплициран, тоа е лош знак: Авторите на сигурна страница немаат причина да се кријат! И, ако успеете да го пронајдете идентитетот на цитираните соработници и сакате да го потврдите нивниот идентитет, можете да направите мало истражување за нив со цел да проверите дали тие се навистина легитимни да даваат информации или да анализираат некоја тема. (новинари, експерти, научници…)

Чекор 3: Вратете се на изворите на информацијата: Потоа, запрашајте се дали оваа страница ги споменува своите извори? Дали е можно да се пронајде потеклото на информациите објавени од страницата? Колку повеќе се цитираат и препознаваат изворите, толку повеќе информациите што се пренесуваат во публикациите на страницата се разјаснети и веродостојни.

Чекор 4: Анализирајте го начинот на кој се презентираат информациите: Овој чекор бара да бидете малку повнимателни кон содржината и да покажете перспектива и критичко размислување поставувајќи си ги овие прашања: дали информациите се презентирани на балансиран начин? Дали насловите ја одразуваат суштината на написите? Дали страницата презентира фактички информации или мислења? Дали целокупниот тон на страницата е умерен? Отворено за контрадикторност и плуралност на гледишта?

Чекор 5: Внимателно следете го квалитетот на графичката повелба и правописот: Сè помалку е очигледно бидејќи разликата помеѓу вистинска страница и страница создадена во фабрика за лажни вести е сè покомплексна но овој совет може да ви помогне во одредени случаи: доколки дизајнот на страницата не е на ниво на кое треба да биде, а статиите се полни со правописни грешки, тоа е честопати индикативно за слаб квалитет на информациите. На интернет, содржината и формата се поврзани!

Чекор 6: Обидете се да оставите коментар на страницата? Во повеќето професионални информативни страници е можно да оставите коментар за да дадете свое мислење за содржината на една статија. Доколки не можете да ја пронајдете оваа можност, тоа е затоа што авторите на страницата не се навистина отворени за критики, дебати и противречности, а тоа не навестува добро! Всушност, кога објавувате лажни вести или теории на заговор, не сакате да бидете разокриени!

Чекор 7: Проверете го протоколот https: Достапно е на секого да се заштити од каква било измама на интернет: осигурете се дека HTTPS е присутен, бидејќи му овозможува на посетителот да го потврди идентитетот на веб-страницата на која пристапува , благодарение на сертификат за автентикација издаден од признат и угледен доверлив орган. Лесно ќе го најдете уште на првата позиција во лентата за пребарување. Ако акронимот https не се појави, веројатно е најдобро да не се осудувате да пребарувате на оваа страница!

Чекор 8: Користете WHOIS: Конечно, ако сакате да бидете брзи и ефикасни, тука е страницата WHOIS, буквално “Кој е“ на англиски јазик. На почетната страница на страницата, само треба да ја копирате и залепите URL адресата на страницата предмет на испрашување и за неколку секунди ќе можете да ги соберете сите корисни информации на оваа страница!

СЕГА Е НА ВАС !

Табела за оценување на веродостојноста на една интернет страница :

За да можете лесно да ги применувате овие совети додека прелистувате на интернет, еве графикон што ќе ви помогне да ја процените веродостојноста на една страница. Колку повеќе страницата ќе собере висока оценка, толку повеќе ќе биде сигурна и квалитетна!

Име на страницата :

___________________________________________________________

Адреса на страницата :

______________________________________________________

ОБЈАСНУВАЊЕ НА АКТИВНОСТ

Со социјалните мрежи, се повеќе и повеќе лажни информации циркулираат брзо и нẻ спречуваат да формираме реално мислење за некое прашање или за вести. Понекогаш, овие лажни информации дури се насочени кон некоја заедница, поттикнуваат страв и омраза или едноставно шират лажни верувања.

Со цел подобро да се разбере како се конструирани овие “Лажни вести“, ќе можете да се ставите на местото на манипулаторите со информации и самите вие да создадете една.

ПРАКТИЧНИ СОВЕТИ

Дефиниција: Кога зборуваме за лажна вест (инфокс), лажни информации или „Лажни вести“ (Fake News), тоа се информации измислени, лажирани или искривени, намерно објавени од поединци, активисти или политички лидери, со цел да се манипулира со граѓаните и да ги натераат да се придружуваат до нивите идеи или да ги измамат.

Карактеристиките на една добра Лажна Вест:

• Чувстителна тема: Лажните информации честопати масовно се споделуваат бидејќи опфаќаат сензационални, политички, емотивни, извонредни и опасни теми. Обично Лажните вести играат врз нашите стравови и предрасуди.
• Добра структура: Дури и ако информациите се лажни, тоа не значи дека не се структурирани и добро конструирани со аргументи (лажни).

Добар наслов: Ова е многу важно бидејќи честопати ова ги тера луѓето да кликнат или да ја видат предметната статија или објава.

Добар визуелен напис: Написите и информациите воопшто, без оглед дали се вистинити или лажни, се повпечатливи и лесни за помнење ако се придружени со слика, фотографија или видео.

-Објава: За Лажните Вести да бидат ефективни, тие мора да се емитуваат на неколку социјални мрежи (Твитер за лажни политички информации, Фејсбук за сензационални лажни вести, Инстаграм за лажни фотографии и видеа итн.)

СЕГА Е НА ВАС !

1 : Да се избере привлечна тема – Вашиот избор на тема во голема мера ќе го одреди влијанието на вашиот пост / напис. Не двоумете се да започнете од општа тема и потоа да го насочите пребарувањето.

Пример :Здравјето => медицина => Влијанието на зраците и брановите врз човечкото тело

2 : Да се најде ударен наслов – Истовремено треба да се резимира главната информација и да се потикне љубопитноста.

Пример : “Еден кинески доктор воскреснува пациент благодарение на гама зраците”

3 : Наведете неколку аргументи за поддршка / збогатување на вашата “Лажна вест“ – Наведете ги вашите аргументи кои ќе помогнат во пишувањето и изработката на вашата лажна вест. За да го направите ова, можете да користите различни техники за манипулација со информации: Да се извади од контекст информацијата или цитатот / Да се креира лажно сведоштво / да се создадат врски кои не постојат помеѓу настани или вистински факти /…

Пример: 1. Дефиниција на гама зраците 2. Можност да се направи да проработи срцето на пациент чие срце престанало да работи 3. Употреба на гама зрази за медицински цели (радиотерапија и радиохирургија) 4. Употреба на цитат вон контекст 5. Лажно сведоштво на кинески лекар 6. Итн.

4 : Напишете ваша лажна вест – за пишувањето можете да ги следите и развивате аргументите што претходно ги набројавте. Што се однесува до стилот на пишување, најдобро е да се имитираат новинарски или научни написи за да вашата лажна вест биде веродостојна, но запомнете дека целта е да ги убедите читателите.

5 : Изберете илустрација -. Треба да изберете визуелна слика која ги сумира вашите лажни вести што е можно поефективно, и која им остава впечаток на поединците.

6 : Споредете ја вашата лажна веста: Сега кога лажната вест е завршена, можете да им го дадете методот на вашите пријатели и да ги споредувате резултатите (кој ја има најверодостојната лажна вест? Најоригиналната? Најсмешната? Итн.). Може дури да се обидете да ги измамите вашите пријатели, но бидете внимателни, морате да ги потсетите дека ова е вежба за да научите подобро да ја препознаете оваа техника на манипулација и подобро да откриете лажни информации. Ако сте биле успешни, кажете си дека има илјадници други луѓе кои можеби ви испраќаат лажни информации секој ден, а не се ваши пријатели.

ОБЈАСНУВАЊЕ НА АКТИВНОСТА

Да се ​​напише статија не е лесна задача. Ние ви нудиме неколку насоки за да можете брзо да напишете статија за тема која ве интересира и што исто така може да ја заинтересира и поголемата јавност.

ПРАКТИЧНИ СОВЕТИ

Што е статија ? Статија е текст кој дава информации и раскажува за факт од општ интерес, притоа обидувајќи се да претстави што повеќе елементи што овозможуваат подобро разбирање на предметната тема.

Можете, пишувајќи статија, да го анимирате вашиот блог или социјалните мрежи, или да ја споделите вашата анализа за одреден настан со придонес во вашиот локален весник! На пример, може да пишувате за вашата населба за да пријавите некои нејзини проблеми со кои се соочуваа или, напротив, да истакнете некои позитивни приказни. Вие бирате од кој агол ќе започнете!

Општо земено, една статија мора да одговори на следните суштински прашања:

Кој ? Кои се актерите засегнати од настанот ?

Што? Што се случило ?

Каде? Каде се случил настанот?

Кога? Кога се случил настанот?

Зошто? Кои се причините на настанот?

Големината на една статија може да варира, но најважно е читателот да може да ја разбере темата за која се дискутира. Овде, ви нудиме неколку насоки за пишување на новинарски текст

Постојат различни типови на статии според намерата на авторот:

• Статијата која служи да пренесе неодамнешна информација (кратката вест, веста, содржината, монтажата и извезтувањето)
• Статијата која прави продлабочнена анализа на одредена тема (анкетата, репортажата и интервјуто)
• Статија за одредено мислење кое служи за изразување на нечие мислење за одредена тема (едиторијалот, хрониката, критиката, портретот, итн)

Во сите случаи, пред да се напише статија, треба да се пронајдат извори (во институции, кај други новинари, директни сведоци, итн.).

СЕГА Е НА ВАС!

Откако ќе ги соберете информациите (и ќе ги потврдите изворите!), подгответе преглед со структурата на вашата статија. Напишете ја вашата статија користејќи ги следниве чекори:

I/ Наслов

Насловот е многу важен затоа што мора да биде краток, отсечен и тој веќе мора да му даде на читателот преглед на дадената темата, како и гледиштето на новинарот

« Капа », тоа е краток текст како вовед на статијата, и може да се додаде веднаш по насловот.

II/ Напад

Почетокот на текстот е многу важен затоа што треба да го привлече читателот до остатокот од статијата. Според тоа, нападот веќе може да ги даде причините за покренување на предметната тема.

III/ Тело

Телото на текстот е срцето на статијата. Секогаш запомнете да го разликувате фактот од мислењето! Не постои објективно толкување. Меѓутоа, ако ги земеме предвид сите аспекти на предметот што се обработува, можеме да обезбедиме комплетна презентација на истата и да му овозможиме на читателот да формира свое мислење.

IV/ Пад

Падот е заклучокот на статијата. Оваа синтеза може да ги обезбеди и личните мислења на авторот како и предлози за во иднина (секогаш на предметната тема).

Доколку е потребно, користете ги алатките подолу за да ви помогнат да го испланирате и креирате првиот нацрт на вашата статија:

ШЕМА ЗА ПОДГОТОВКА НА НАПИСОТ

Можете да ја илустрирате вашата статија со фотографии, видеа итн. Сепак, секогаш мора да напишете коментар на илустрацијата (реченица која ја опишува сликата или видеото и нејзиниот извор)

Не заборавајте да ја лекторирате вашата статија! Можете да побарате некој друг да ви помогне да го подобрите вашиот текст.