ПРЕДИЗВИЦИ НА МЕДИУМСКА И ИНФОРМАЦИСКА ПИСМЕНОСТ

Воглавно, медиумската и информациската писменост имаат тенденција да го промовираат знаењето и разбирањето на медиумите и информациите, од гледна точка на граѓанската дебата и општествено учество.

МИП комбинира две различни области: совладување на информацијата ја потенцира важноста на пристапот до информациите, нејзината проценка и нејзината етичка употреба. Едукацијата за медиумите ја потенцира можноста да се разберат функциите на медиумите, да се процени начинот на кој се извршуваат овие функции и рационално да се користат овие медиуми за изразување.

Овој домен им овозможува на оние што го пренесуваат:

• Да се ги ​​потенцираат улогата и функциите на медиумите во општеството и условите под кои медиумите ги исполнуваат овие функции.
• Да се ​​интегрираат и пренесат алатките за критична проценка на медиумските содржини
• Да се ​​создаде, со целната публика, квалитетни медиуми за информирање.

За целосно да се сфати глобалниот дострел на МИП, треба да се потенцира дека едно општество кое ги владее медиумите и информациите, и го промовира развојот на слободни, независни и плуралистички медиуми, има тенденција да поттикне значајно учество на граѓаните.

ПРЕДАВАЊЕ НА МИП : РАЗЛИЧНИТЕ ПРИСТАПИ

Различните педагошки пристапи треба да бидат користени од страна на предавачот на МИП:

• Пристапот „проблематика - истражување“, кој се состои во идентификување на проблематиката; препознавање на основните ставови и верувања; разјасување на фактите и принципите поврзани со оваа проблематика; организирање и анализирање на насоките; интерпретирање и решавање на прашањето; преземање на мерки и преиспитување на последиците и резултатите од секоја фаза. Ова му овозможува на ученикот да го развие своето критичко размислување. Овој пристап може да се претпочита за анализа на лажни вести или теории на заговор.
• Проучувањето на случаи, кое вклучува детална анализа на една единствена ситуација или еден единствен настан. Овој пристап обезбедува систематски метод за набљудување на настани, собирање на податоци, анализа на информации и известување за резултатите.
• Соработничкото учење, може да се движи од едноставна работа во парови до посложени начини како што се учење преку проекти, учење преку загатки, испрашување водено од страна на врсници и реципрочно учење.
• Со текстуална анализа, учениците учат да идентификуваат како се користат јазичните кодови и конвенции за да се создадат посебни типови претстави насочени кон одредена публика („технички“, „симболички“ и „наративни“ кодови за кој било медиумски текст).
• Контекстуалната анализа има за цел да им помогне на учениците да се запознаат со теми како што се системите за класификација на кинематографија, телевизија и видео игри, врските помеѓу сопственоста и медиумската концентрација и прашањата за демократија и слободата на изразување.
• Со препишувањата, учениците можат, на пример, да состават серија постоечки визуелни материјали поврзани со животот на една личност и да ги користат како почетна точка за да изготват и направат краток документарен филм за таа личност.
• Со симулациите, учениците можат, на пример, да ја преземат улогата на телевизиска екипа која продуцира програма за млади. Стратегијата се прави со студентите како педагошки процес.
• За крај, продукцијата им нуди на студентите можност да навлезат во учењето преку откривање и пракса. Преку продукција на медиумски текстови (аудио, видео и / или печатено), учениците можат да ја потикнат својата креативност и да ги изразат своите лични мислења, идеи и перспективи.